Selasa, 28 November 2017

Guru, Pahlawan Tanpa Tanda Jasa

Guru, Pahlawan Tanpa Tanda Jasa
Hiji kamandang pikeun istilah Guru, Pahlawan Tanpa Tanda Jasa
.
Guru, pahlawan tanpa tanda jasa. Naha guru disebut pahlawan tanpa tanda jasa? Terus guru nu mana? Guru, sakabéh guru di alam semesta? Guru di India anu hartina nyangkut paut kana guru spiritual? Atawa guru dibagi dumasar gajih ti pamarétah: PNS jeung PNS. Guru pagawé negeri sipil atawa guru pagawé nu swasta?
.
Tanggal 25 Nopémber téh geus jadi poé pikeun miéling ‘Hari Guru Nasional’. Ti iraha? Geus lila. Boa-boa ti jaman barudak SD boga imajinasi bisa ngobrol jarak jauh maké jam tangan. Teu kétang, aya dokuméntasina. Ti taun 1994 geus aya kaputusan présidenna. Nya éta Keppres Nomor 78 Tahun 1994.
Tah éta mah ngeunaan hari guru.
.
Ieu mah ngeunaan kalimah “guru, pahlawan tanpa tanda jasa”. Ti iraha ieu kalimah ayana? Teuing! Teu apal sim kuring gé. Tapi lamun diwawaas, hartina ieu mah saukur kamandang alias pendapat. Bisa waé éta kalimah téh muncul ku lantaran ayana PGRI, Persatuan Guru Republik Indonésia. Atuh daék teu daék kudu maluruh sajarah PGRI ari kitu mah.
Singgetna mah kieu: baheula, taun 1912, aya kelompok nu ngaranna Persatuan Guru Hindia Belanda (PGHB). Tuluy robah ngaranna jadi Persatuan Guru Indonésia (PGI) dina taun 1932.
Dipakéna kecap ‘Indonésia’ pikeun ngaganti ‘Hindia Belanda’ dina ngaran éta persatuan ngadatangkeun kahariwang pikeun pamaréntahan kolonial. Atuh ari kitu mah teu béda jeung ayana sumpah pemuda atawa pidatona Oto Iskandar Dinata (Otista) alias Si Jalak Harupat téa. Sarua matak geunjleung lain? Kitu deui lamun disambungkeun kana tujuan PGRI, di antarana:
1.       Mempertahankan dan menyempurnakan Republik Indonesia.
2.       Mempertinggi tingkat pendidikan dan pengajaran sesuai dengan dasar-dasar kerakyatan.
3.       Membela hak dan nasib buruh umumnya, guru pada khususnya.
Coba baca tujuan nu mimiti? Mempertahankan dan menyempurnakan Republik Indonesia.
Boa rékam jejak ayana guru di Indonésia nu ngalantarankeun ayana istilah ‘guru, pahlawan tanpa tanda jasa’ téh. Da mémang aya kontribusina dina berjuang nyinghareupan penjajah. Ngan bédana lain pihak nu nyorén bedil atawa ngalungkeun geranat. Najan teu nutup kamungkinan guru jaman harita milu buk-bek jeung gelutna, atawa dor-dar silih témbak jeung penjajah Belanda atawa Jepang.
Ah, ieu mah ukur kamandang pribadi anu ngandelkeun google keur nutupan rasa kapanasaranna.
Hatur nuhun. Hapunten samudaya kalepatan.
.
Sawatara sumber tina artikel Wikipedia, ditéang maké Google.
.
Bacaeun séjén:
Mengapa Guru Disebut Pahlawan Tanpa Tanda Jasa
Anies: Saya Tak Setuju Guru Disebut "Pahlawan Tanpa Tanda Jasa"
RELEVANSI GURU PAHLAWAN TANPA TANDA JASA
Ini Lo Alasan 25 November Dijadikan Hari Guru Nasional


Kamis, 16 November 2017

Sasakala Surabi

Jaman baheula, tapi teu baheula teuing, baheula rada béh dieu. Awal-awal taun 1900an. Ngan nu pastina taun sabaraha mah geus kapopohokeun. Aya hiji wanoja anu ngahaja nyaba ka tatar Sunda. Éta wanoja téh asalna ti India. Lahir ti kulawarga anu beunghar. Beunghar tahta, jeung beunghar harta. Beunghar kacida. Jeung manéhna téh daék sakola. Nepi ka bisa sakola ka Amérika sagala keur namatkeun atikanana dina dunya hukum. Manéhna hayang jadi pengacara cenah. Béda jeung di urang, jaman harita basa urang Sunda can loba nu sakola, dina ayana ogé nu sakola paling luhur sakola dokter, STOVIA téa, nya lamun lulus jadi dokter keur gubermen Hindia Walanda. Lain euweuh nu sakola atawa sadar kana atikan, aya éta gé. Ti Sunda mah nya Déwi Sartika téa jalmina. Tapi da di dieu mah moal nyaritakeun sakola. Ieu tulisan mah rék nyaritakeun dahareun. Keun baé teu nyambung gé. Nu penting mah nyarita wéh heula.
Tah balik deui kana carita wanoja anu kungsi sakola ka Amérika téa. saking ku beunghar, lamun keur teu puguh cagap di imah, manéhna sok lalayaran. Nya salah sahijina lalayaran ka Hindia (Indonésia ayeuna mah). Teuing pédah ngaran wewengkonna sarua, teuing pédah sasab, teuing pédah ngahaja. Pokona mah ka Hindia wéh. Nya manéhna téh nyukcruk galur karuhunna. Cenah aya karuhunna anu meunangkeun anakna Aki Tirem ti Sunda. Nya manéhna téh datang ka tatar Sunda.
Di hiji dayeuh, Bandung katelahna. Éta wanoja pakansi ka Derentén. Di pipir gapura Derentén, éta wanoja jajan dahareun. Euweuh nu hideng méré ngaran kana éta dahareun. Nu dagangna jeung nu nyieunna éta-éta kénéh, geus ema-ema. Katelahna Ma Uwéh. Nu kiwari jadi kuwéh téa tina ku Uwéh, dijieun ku Uwéh, jadi wéh kuwéh, kuéh.
Éta dahareun téh ku wanoja India téa kapaké pisan. Sabab ngeunah jeung matak wareg.  Dijieunna tina tipung béas. Dipurulukan oncom. Wangunna buleud, munu'u lamun nangkub mah. Leuwih ni’mat lamun didahar haneut-haneut.
“Ema, naon nami ieu tuangeun téh?” ceuk wanoja India.
“Teu aya namian, Nyai,” ceuk Ma Uwéh.
Camuil, camuil, Nyai Wanoja India téh ngahuapkeun éta kaolahan. Meni matak pikabitaeun sakabéh nu datang ka Derentén.
“Nyai téh ti mana? Asa nembé ningal ema mah,” ceuk Ma Uwéh.
“Abdi téh ti India kalér Ma. Tepangkeun nami abdi Cornelia Sorabji. Seueur nu nyauran abdi ku nami Sorabji,” ceuk wanoja India, nu harita geus méré nyaho ngaranna ka Ma Uwéh.
Ma Uwéh héséeun nyebut Sorabji. Ti harita Ma Uwéh nginget-nginget ngaran Si Nyai ku ngaran Surabi.
Nyi Sorabji ngaborong dahareun nu munu'u téa. Banget ku reueus daganganna diborong ku anu pakansi ti béda nagara, Ma Uwéh nepi ka méré ngaran kana kuéh nu munu’u téa téh ku ngaran éta wanoja, Sorabji. Anu ceuk Ma Uwéh mah Surabi. Nya nepi ka kiwari éta kuéh téh katelah Surabi.
.

.
gambar kénging milarian tina google.
.
Dongéng sasakala, tapi heureuy meunang Andi. ditulis sabada ningali doodle Google Cornelia Sorabji.
.
kamus alit:
wewengkon : daérah
derentén : kebon binatang
pakansi : liburan, piknik

MÉNHIR (BATU TUNGGAL/TUGU BATU)

Hiji analisa sasakala batu Ménhir

Basa jaman Neolitikum, kabiasaan ngumpul téh geus aya. Teu béda jeung jaman Yunani. Nepi ka Yunani mah kawéntar ku para filsufna.
.
Bédana jeung jaman Yunani, dina jaman Néolitik mah can aya ngaranan kagiatan ngumpul téh. Dina jaman Yunani kagiatan keur ngeusian waktu nu lowong tina pagawéan téh dibéré ngaran scola , skhole, scolae, atawa schola (nu kiwari jadi asal-usul kecal kecap sakola, sokola, school, schule, jrrd).
.
Ti jaman ka jaman, saperti ti jaman Néolotik nepi ka Mégalitik, ti Yunani ka Romawi, ka masa Renaisance, malah ti jaman Revolusi Perancis nepi ka kiwari, kagiatan ngumpulna téh teu béda. Kurang leuwih babagi informasi.
.
Nu ngabédakeunna mah ngan tempatna. Baheula (jaman Néolitik téa) tempat ngariung téh deukeut tugu batu. Alesanna rupa-rupa, kaasup tadabur alam jeung ngahormat karuhun.
.
.
Jelema nu sok datang pangheulana ngageroan ka anu datang pandeuri, "Mén, hir!" Ku urang Éropah anu kungsi dijajah ku karuhunna urang Inggris, éta kecap téh ditulis "Man, here!"
"Jang, di dieu!"
Lamun diomongkeun lengkep mah "Jang, di dieu ngumpulna! Urang ngawangkong!"
.
Kiwari di Bandung ngadeg menhir di sababaraha pusat aktivitas masyarakatna, kayaning di Balkot jeung di Taman Sejarah. Jeung aya ogé wilayah nyu dingaranan Batununggal.
.
Ieu mah asli: men = batu ; hir = tunggal. Referensi: Wikipedia. Katakunci: Menhir.
.
#OMATHEUREUY #SAUKURHEUREUY #kerungheulatuluyseuri #lamundaek
#heureuy #joke #garing

Minggu, 22 Januari 2017

Mungkinkah? Haha! (catatan tentang Sepeda 'mirip' Federal)


Sepeda ini baru sekitar dua minggu saya miliki. Beli barang bekas seharga 500rb, dengan penawaran awal 850rb. Sebelumnya saya menggunakan sepeda balap, ukuran ban 27" (merk Kuwahara, milik bapak saya), dengan jenis stang yang melengkung ke bawah (drop bar).

Tidak ada masalah selama saya menggunakannya. Tapi muncul keinginan bersepeda dengan posisi badan yang lebih tegak, karena menggunakan sepeda balap/road bike dalam waktu yang lama/jauh membuat pinggang dan tulang belikat pegal. Terpikirlah untuk mencari sepeda Federal (atau mtb jadul semacam Federal). Saya tidak akan ambil pusing masalah merk dan komponen.

Lalu saya menemukan sepeda "jenis" federal (lihat foto di atas). Dengan bonus satu ban karet 26x1,75 dan terpasang fork suspensi yang sudah mati merk logan. Saya sebut Pepederalan.

Meskipun sudah memiliki sepeda baru. Belum hilang rasa penasaran pada sepeda lain, saya telusuri forum-forum penjualan sepeda di media sosial dan online shop. Lalu, saya menemukan sepeda yang banyak kemiripan dengan sepeda yang saya beli 500rb itu. Penjual memasang harga 3,5jt. What?! 3,5jt tanpa penjelasan komponen apa yang menempel pada sepeda itu, dan memang tampak komponen biasa saja pada fotonya pun. Bekas, 3,5jt. Penjual menyebut merknya Federal.

Akhirnya pertanyaan semaca "Federal lain sih?" atau "Maenya Federal kieu?" (Masa Federal gini?) mengganggu pikiranya, pasalnya saya pernah membaca beberapa ciri-ciri sepeda merk Federal dengan bantuan Google. Ya, awalnya kan saya hanya ingin bersepeda tegak, dibanding dengan bersepeda dengan roadbike, badan sangat condong ke depan.
Selain iklan yang saya temukan, referensi tambahan saya dapatkan setelah searching dengan kata kunci "Federal City Cat Grand", sebagai mana yang saya temukan di headtube sepeda saya. Satu dari sekian banyak gambar adalah gambar promo "Federal City Cat Grand" dengan perbandingan tube dan sudut-sudut yang mirip.

Ada satu artikel yang memuat wawancara dengan mantan Direktur Federal Cycle Mustika. Satu kalimat dalam wawancara tersebut berbunyi seperti ini, “Federal edisi terakhir memiliki bobot yg cukup berat (yg tubingnya gepeng), karena memakai besi biasa.”  (untuk membaca teks wawancara lengkap bisi dibuka di sini >> http://mtbfederal.com/wawancara-dengan-mantan-head-of-product-develompent-pt-federal-cycle-mustika-fcm)

Tubing gepeng, sepeda yang saya beli bekas itu memang meiliki tubing gepeng. Selain tubing, perbedaan lain dengan sepeda Federal (kebetulan ada City Cat yang memiliki nomor seri di tiga tempat untuk pembanding), sepeda saya tidak memiliki socket di seat-tubenya. Jarak top-tube dan bottom-tube di bagian kemudi juga lebih sempit, tidak memungkinkan adanya ketokan nomer seri.

Tapi pada akhirnya, saya lebih memilih pernyataan seperti ini “bisa jadi ieu Federal, tapi lamun lain ge bae” (mungkin ini Federal, tapi kalau bukan pun ya ga apa-apa).

gambar promosi yang saya temukan dari Google, http://katalogfederal.blogspot.co.id/?m=1

gambar dari Bukalapak.com / harga jualnya Rp.3.500.000,-