SAJAK SUNDA: LALAKON BANGKÉ

LALAKON BANGKÉ

Lir bangké beurit nu kagencét na sela-sela erak piring
hésé kapanggihna, da nyelap dinu nyelempét,
teu kahontal ku sadeupa.
Dina kapanggihna gé si bangké geus reuteum
hungkul bilatung.
Tapi da ti bareng hos gé laleur mah geus
apaleun di mana si bangké
ngagolér,
tuluy eunteup, tuluy ngendog.
Si Ema, si Abah, jeung sakabéh nu di imah,
ugil-ugilan nyoér si bangké, geus teu kuat
ngambu bauna unggal poé.
Ari geus beunang dicoér mah,
si bangké téh ukur di bulen ku lamak, tuluy
dialungkeun ka susukan.

Andi Gita Lesmana
2009

Kungsi ditulis dina catetan facebook
https://m.facebook.com/notes/andi-gita-lesmana/salah-sahiji-kumpulan-sajak/10150239746208893/?refid=21